كليوباترا لم تكن مصرية؟ اكتشف السر وراء أكبر خرافة تاريخية

كليوباترا لم تكن مصرية؟! اكتشف السر وراء أكبر خرافة تاريخة!

✍️ بقلم: ليلى سعيد

هل تصدق إن أشهر ملكة في تاريخ مصر… ماكنتش مصرية أصلاً؟ 😲 وهل كانت كليوباترا مصرية فعلاً ولا لا ؟! في هذا المقال نكشف خرافات تاريخية غيّرت نظرتنا لحضارة مصر القديمة

أيوه، كليوباترا السابعة، اللي دايمًا بنشوف صورتها على العملات القديمة، واسمها مرتبط بالسحر والجمال والدهاء، كانت في الأصل يونانية مقدونية مش مصرية!

السلالة البطلمية اللي بتنتمي ليها كليوباترا، اتأسست بعد غزو الإسكندر الأكبر لمصر، واللي سلّم الحكم لواحد من قادته، "بطليموس الأول". من ساعتها بدأت سلالة من الحكام اليونانيين، حكموا مصر لأكتر من ٣٠٠ سنة... لكن ولا واحد فيهم اتعلم اللغة المصرية... لحد ما ظهرت هي 👑

كليوباترا كانت مختلفة. اتعلمت ٩ لغات، منهم اللغة المصرية القديمة، وكانت أول بطلمية تكسر العزلة وتقرّب من الشعب المصري فعلاً. مش بس كده، كانت مثقفة في الطب، الفلك، الفلسفة، وكان ليها تأثير سياسي عابر للقارات، من مصر لروما.

الغريب إن اللي خلد اسمها مش أصلها، لكن قدرتها على اللعب بقواعد اللعبة السياسية، واستخدام جمالها وذكائها علشان تحمي بلدها من الاحتلال الروماني. تحالفت مع يوليوس قيصر، ثم أنطونيوس، وكل ده وهي بتحاول تحافظ على استقلال مصر في زمن كله أطماع وصراعات.

فهل كانت كليوباترا ملكة مصرية؟ لو هنقيس بالأصل... لأ. لكن لو هنقيس بالانتماء، بالحب، وباللي عملته علشان مصر... فهي واحدة من أعظم ملكات مصر على الإطلاق.

ويمكن ده السر الحقيقي في أسطورتها… إنها مكنتش بس بتحكم، كانت بتحب ❤️🇪🇬